[娛樂] 呂慧儀露膊晒腳撐 Rosemary

馮仁昭四圍超--拒談Rosemary行蹤 Ana R.:唔少Model誘人吸毒 - 馮仁昭 2010-09-15


[轉載/蘋果日報] 喺美國涉嫌藏毒同撞車後不顧而去搞到兩度被捕嘅Rosemary,原定聽日復工,但有傳佢自從扣上孖葉嘅相曝光後心情變得好差,取消晒所有工作。盛傳 Rosemary前晚同噚日離港飛去法國避靜,引得大批記者喺機場守候,但就唔見Rosemary現身。噚日馮仁昭打電話畀鄧達智,想問吓 Rosemary係咪已經離開咗香港,但一直冇回覆。

樂基兒:咁衰呀
身為Rosemary好友嘅Ana R.噚日同呂慧儀喺尖沙嘴出席遊戲機活動,Ana唔肯講有冇同老友聯絡:「我唔想答,呢啲係我同佢之間嘅私人問題。」Ana R.話向來唔知好友有吸毒習慣,就算食煙亦唔知,佢又話外國唔少Model會引誘人吸毒,但自己好清楚後果,所以一定會小心。
樂基兒噚日出席代言相機活動,對於有人暗示佢有不良習慣,佢就話:「咁衰呀!」
此外,曾經藏毒被捕嘅陳見飛噚晚出席中環活動,話對好友Rosemary涉藏毒覺得好驚訝:「人始終會出錯,佢都幫香港做好多慈善活動。」講到佢自己有前科,陳見飛話:「我知道自己係個好人,呢件事都過咗,屋企人都好支持我。」究竟仲有冇掂毒品?陳見飛好大反應咁話:「梗係冇啦。」


YouTubeHK 精選影片 www.youtubehkvideo.com [主頁] [最新影片]
Related Posts Plugin for WordPress, Blogger...