[轉載/蘋果日報] 無綫前姐仔蔡慧敏天賦37F豪乳，Big爆身材似乎也特別惹火，出道至今緋聞浪接浪，榜上男人個個猛料，計有黃玉郎、景福後人楊秉樑和律師韓尚志等，本來最出位是05年被拍到與小雪當時的夫婿、永安旅遊太子爺陳迅元台灣爆房，但近日她再創新猷，被全程直擊在香港街頭被楊紫瓊已婚胞弟楊南日醉擒。有人懷疑蔡慧敏自製緋聞，蔡慧敏日前在其貝沙灣香閨呼寃，堅稱自己才是受害人，最怕以後冇男人敢埋身。 撰文：比華利
蔡慧敏日前在其貝沙灣豪宅接受本報專訪，對於被懷疑親自執導緋聞，她無奈地說：「我唔覺得呢啲係好嘅新聞，反而係一件醜聞，好影響我嘅形象，對我百害而無一利。對我真係冇好處，就算有工作想搵我都嚇驚咗，仲邊敢搵我。又影響我嘅桃花，就算有人想追求我都會卻步，要停一停，諗一諗，講到尾，我真係一啲着數都冇，我其實都係受害者。」
「我真係唔知佢結咗婚」
口口聲聲緋聞壞招牌，但剛由美國回流返港的蔡慧敏，若非與楊南日爆出緋聞兼絕密情慾短訊連環曝光，相信大家不會留意到「大乳牛」回歸消息。蔡慧敏也直認甫回港即工作接不停，既有婚紗代言，又有內地登台和多個剪綵，相信荷包進賬應可彌補其受損名聲。
短短5年間，蔡慧敏先後搭上的陳迅元和楊南日不約而同均是已婚漢，她兩次都自言交往初期並不曉得男方底蘊，解釋略嫌牽強，莫非她每次拍拖都「盲舂舂」不理男方身份及背景？蔡慧敏卻語出驚人道：「講真香港地，個個女仔都有機會遇到呢啲事（指遇上有婦之夫），只不過我哋藝人俾人渲染誇大咗，好似李嘉欣都係一單冚一單，細到江若琳都有，每個女仔人生路上起碼一、兩件。」她又指香港女多男少，故女生甚容易遭已婚漢瞞騙，似乎真把歪理當成真理。
蔡慧敏與陳迅元及楊南日的激情均見光即滅，更指二人都非她那杯茶，她說：「我識佢哋時真係唔知佢哋結咗婚，到咗咁嘅田地，我當然唔會考慮佢哋，我覺得兩個人結得婚就要珍惜。」不過陳迅元最終與小雪離婚收場，如今小雪已幸福改嫁，至於楊南日與太太的裂痕能否修補，則屬未知之數。
蔡慧敏為免接二連三背負第三者惡名，繼日前公開向楊南日老婆認錯後，受訪當日再補鑊說：「話晒佢哋咁多年夫妻，又有仔女，我希望佢哋和好如初。」
自稱有男友隨時嫁人
一方面怕醜聞令男人唔敢埋身，一方面為了洗底，蔡慧敏即自爆有營商美籍華人男友，已離談婚論嫁階段不遠，她說：「我喺美國讀書識嘅，佢對我好好，我都當咗佢係老公，不過只係爭張婚書。」又指爆出楊南日緋聞後，隱形男友也立即急急箍煲，三角關係忽變四人混戰，越變越複雜。
寧做剩女拒嫁窮人
香港近年女多男少，政府統計處早前公佈往後30年人口推算結果，發現本港女多於男的差距將會擴大，未來每三個港女就有一個獨身。
自認港女
剩女飆升，但典型港女蔡慧敏卻不擔心變剩女，家住貝沙灣超靚海景豪宅，出入以平治代步，蔡慧敏皇帝女唔憂嫁，寧願揀啱符合條件的男人才付託終身。
問到蔡慧敏的擇偶條件是否很奄尖，她說：「最緊要兩個人相處開心，啱key，互相遷就。」數到這裏未算要求高，不過她肯為愛飲水啃麪包，接受窮光蛋做另一半嗎？蔡慧敏即時港女上身坦言道：「咁我都同大部份港女一樣，唔會食麪包咁吓？對方都要有一定經濟基礎，佢都要學歷高，教到我嘢，女仔搵男伴梗係要有依靠，樣貌方面，我都似正常港女，另一半個樣要OK。」
化妝、髮型：Kathy L.（Ciao Bella）
YouTubeHK 精選影片 www.youtubehkvideo.com [主頁] [最新影片]
