[轉載/蘋果日報] o靚妹李綺雯噚日同「香蕉」王淑玲、妄攝女 Debby、 Kinki同 Christy喺香港仔出席「 Xbox360 Kinect夏水禮」活動。 o靚妹最近被指翻撻前男友陳肇麒（陳七），點知報道出街後，陳七就好大反應，仲喺微博鬧爆 o靚妹博宣傳，又即刻同 o靚妹劃清界線講明唔會翻撻佢。
「同佢已經冇關係」
唔知係唔係陳七講到咁鬼絕，所以噚日 o靚妹提到陳七時都唔多高興，仲好無奈咁話：「我一路都冇講任何嘢，件事都過咗咁耐，唔明點解翻嚟翻去仲要講。」
至於覺唔覺陳七好絕情，佢即寸爆話：「其實我都講咗，同佢已經冇關係，我唔鍾意攞呢啲嘢嚟宣傳，我一向對感情事好低調，唔知係咪俾人感覺唔夠強硬，明眼人都睇得出件事係俾人摷番出嚟講。」
問 o靚妹會唔會認為係陳七掉轉頭借佢做宣傳， o靚妹就語帶雙關咁話由頭到尾咁多新聞出現，佢一直都冇理過其他人講乜，亦唔會要求陳七封嘴，因為呢啲嘢佢都控制唔到，亦都冇資格喎！擺明對陳七已經死心，所以當提到同陳七有冇機會復合或者做朋友時，佢好大反應話覺得呢個話題好厭惡。
YouTubeHK 精選影片 www.youtubehkvideo.com [主頁] [最新影片]
