[時事] 上堂爆粗K Oten喊冤枉



[轉載/蘋果日報] 補習天王范浩揚 爆粗片段流傳 2010年09月05日
一場官司後宣佈破產的補習天王范浩揚( K OTen),上堂時爆粗的短片,近月在網上流傳。范喊寃稱被惡搞,將他在堂上說「唔使俾人藐」的「藐」字,改成同聲韻的粗口。他兩個月前已發信要求 Youtube刪除該短片,但近日再被人上載到內地的土豆網,令他暫無法再禁制。
稱遭惡搞 移花接木

該段一分鐘短片,名為「 K OTen上堂爆粗實況」。當時學生只是觀看電視播放范預先錄影的片段,內容是他教學生,若答案寫成「 sweet potato」(番薯)便會錯,應加 es變成眾數。他以嘲諷口脗揶揄漏了加 es的學生:「當然,寫完 sweet potato上去,又可以點呀?唔使理佢咩, repeat(重讀)啦。番薯有幾多嚿呀?有你一大嚿囉,仲有千千萬萬個陪你, potatoes!醒少少,就唔使俾人X(粗口字)」。之後有一下停頓,范再帶笑說:「啱唔啱呀?哎,陰鬼功囉。」
范否認爆粗,反駁是被人移花接木陷害。他初時憶述是說:「醒少少,唔使俾人剿」,「剿滅個剿,跟住俾人 tune(調校)到加咗個 d音落去,變咗粗口。」其後他稱,翻看了原裝片段後,發現當時是「藐」,「即俾人『掘』住。成日都咁講,等佢哋唔好考試時犯錯。」范昨晚向本報提供有關原裝片段以證清白。
范表示,該片段是他今年 1月被「現代」解僱後,轉職到油麻地一間補習學校後被人偷拍,估計是 2至 4月間。約兩個月前在 Youtube上發現該片段,於是發律師信予 Youtube要求刪除,其後短片消失,但日前發現在土豆網重現。由於土豆網是內地公司,因此暫未有行動制止。
風波不絕 宣佈破產

范浩揚風波不絕,他早前先後被英皇教育和現代教育解僱,並分別被追討 880萬元和 2,650萬元賠償,上月中他加盟康橋教育,宣佈無力支付賠償,已申請破產。


YouTubeHK 精選影片 www.youtubehkvideo.com [主頁] [最新影片]
Related Posts Plugin for WordPress, Blogger...