[娛樂] 變臉雷凱欣3點盡露1敵6

馮仁昭四圍超:雷凱欣露三點一敵六「為港爭光」 2010年09月13日


[轉載/蘋果日報] 打正全球首套 3D情慾片旗號嘅《肉蒲團之極樂寶鑑》近日拍得如火如荼,噚日幾位主角包括葉山豪、雷凱欣、藍燕同日本 AV女優周防雪子,喺元朗片場開工,招待傳媒同龍友到場探班,其中雷凱欣同周防雪子最受龍友歡迎。
不過現場見雷凱欣個下巴神奇變尖,唔知係因拍情慾戲太辛苦,定抑或係幫襯電影老闆蕭定一嘅美容店嘅變臉技術呢?雷凱欣話最激嘅情慾戲已經拍晒,其中一場係佢一個對六個猛男,仲要露埋三點,佢話:「真係好攰,個人直情係崩潰,因為第一次咁大膽同咁多情慾戲。」

葉山豪難有反應
聽講雷凱欣原先只露兩點,點解臨時送多點呢?佢解釋:「我俾套珠片衫整到損晒,搽遮瑕膏又痛,貼膠紙又痛,咁咪索性露埋佢。」周防雪子一向拍慣 AV,怕唔怕唔夠人哋放而被搶鏡?雷凱欣拍心口話:「唔怕,我都有睇過吓佢嘅演出,我係好佩服,所以我先更加努力為港爭光,做得更放。」
男主角葉山豪自然係見晒雷凱欣三點嘅人,問佢感覺點?葉山豪竟然話:「唔尷尬,我對住幾十對都冇晒感覺,個個都靚,個個又唔同 size,其實男人唔一定要大,一般大都 OK。」葉山豪話自己演出時都好放,因為唔放就拍唔到,咁有冇生理反應?佢話:「冇喎!因為啲膠紙黐得好實,加上又黐足 20幾個鐘,好難有反應。」葉山豪話雖然戲中都有露何 B仔,但始終唔慣坦蕩蕩,所以平時冇需要曝光時都會黐住喎。而周防雪子話最難忘係吊威吔加埋拍情慾鏡頭,真係戲屎少少都唔得。


YouTubeHK 精選影片 www.youtubehkvideo.com [主頁] [最新影片]
Related Posts Plugin for WordPress, Blogger...