[轉載/蘋果日報] 8/23/2010 徐淑敏（Suki）昨日到尖沙嘴出席活動，分享收身心得，目前96磅的她指老公黃浩十分滿意她現時的身形，她說：「老公話我家好好，仲成日摸我條腰。我媽咪有胸有腿冇腰，我家姐就有腿，我就遺傳咗個胸。」
撐莊思明大方
黃浩今年1月與懷孕中的徐淑敏在中環吃飯時，與雜誌記者發生衝突，他搶記者眼鏡及兩次向對方吐口水，早前因普通襲擊罪被拘捕，要守行為一年。問Suki會否勸老公控制情緒，她說：「佢自己識tune番，佢都有話自己衝動咗，又話令我擔心而say sorry，知錯能改好值得嘉許。」
對於有指無綫不派莊思明參選國際小姐，是怕她成為笑柄，但無綫解釋是護照問題，Suki說：「係咪真係因為護照呢個原因，以前冇得選係因為年紀問題，我覺得今年港姐淡定高貴大方。」
採訪：李珮洳
攝影：仇志德
YouTubeHK 精選影片 www.youtubehkvideo.com [主頁] [最新影片]
