[轉載/蘋果日報] 在菲律賓馬尼拉魔警屠殺港客造成 8死 7傷的慘劇中，女團友李瀅銓與母親羅錦芬，是唯一一個在大屠殺中倖存的家庭，母女二人奇蹟地只受輕傷。李瀅銓昨日向本報親述死亡 11小時經歷，首度披露車上團友曾多次商量合力跟魔警門多薩肉搏，包括趁他站在車門時將他推出車外，可惜因為誤信菲律賓警方有能力和平解決事件，最終痛失自救良機，「好後悔，當槍手開槍一刻，我瞓喺地下，後悔咗好多、好多次」。 記者：雷子樂
康泰團友李瀅銓（ 36歲）與母親羅錦芬（ 66歲），是當日全程被困在死亡旅巴上，唯一一個齊齊整整的倖存家庭，母女二人被救出時僅受輕傷，相對其他家庭的遭遇，可謂非常幸運。各大傳媒也集中追訪其他不幸被殺或傷勢較重的團友情況，一時遺忘了這對儼如「隱形」的母女。
曾想「一腳伸佢出門」
過去五天李瀅銓睡得不多，每當閉上眼睛，腦海裏就會響起當晚的槍聲。她與一眾在電視機前看直播的香港觀眾一樣，從未想過事件會以開槍、死人告終，想不到菲警無能，令梁家、傅家、汪家、領隊 Masa謝廷駿等大好家庭，從此破碎。
她昨日向本報憶述案發經過時猶有餘悸，餘怒未消，狠批菲律賓警察拖了大半天，錯失多次機會仍沒出手營救，「槍手自我保護意識好低，經常將自己暴露出嚟，企喺門口 10秒或者放細路仔時，其實（警方）係可以好容易將佢制服。佢又俾兩個談判專家走得好埋，如果佢哋用槍射佢頭，可以殺死佢；射手或射身都可以制服佢，又或者趁佢企喺車門時，（狙擊手）遠程射擊，但（警方）全部冇做到，好令人匪夷所思」。
她說魔警門多薩上車後，雖然命令所有人分開坐，但部份團友仍能低聲溝通，當時已有人商量過自救，合力制服門多薩，「我哋（中午） 12點幾已經傾過（制服槍手）。佢只係得一個人，如果我哋團結一齊行動，係可以制服佢。好多位（意指機會）可以救自己，我曾經考慮過，趁佢企喺車門咁耐，跑去一腳伸佢出門，然後閂車門即刻走」。
誓代團友追究責任
惟最終也沒有付諸行動，「因為前面同後面（團友）商量唔到，大家冇默契。同埋佢身上有槍，又受過軍訓，如果唔成功，可能會造成死傷」。
但最錯誤的，是誤信菲律賓警方有能力解決事件，「我哋覺得自己都見到咁容易（解決），政府都應該見到啦，政府咁多機會都唔制服佢，一定係有其他方法。於是唔想冒險，認為不必要嘅冒險，應交由政府去做」。結果鑄成大錯。
當門多薩開槍大開殺戒時，一切已經後悔莫及，「有一種歉疚心理，自己好錯，唔應該等無能政府嚟救。槍手開槍時，後悔都太遲，我瞓喺地上，後悔咗好多、好多次，不停問點解我哋冇自己行動？自己行動可能都有死傷，但唔會好似家咁多。」她僥倖生還，卻不時自責，後悔當初為何不下定決心自救，找機會制服槍手。她表示必會協助團友向菲政府提出索償，追究責任。
英雄領隊 Masa謝廷駿（ 31歲）在生死關頭帶病苦撐，克盡己任，對團友不離不棄，更凸顯出菲律賓警方的廢柴無能。李瀅銓表示，魔警門多薩脅持人質後，本地導遊 Diana是首批獲釋的人士之一。生命面臨威脅，李瀅銓不會怪責 Diana，但 Masa哥對團友的關懷備至，盡忠職守致生命最後一刻，令李肅然起敬。
盛讚領隊克盡己任
她說魔警脅持人質時， Masa哥第一時間偷偷致電回港求救。魔警控制大局後， Masa哥從沒有退縮，更主動照顧團友。李記得， Masa哥當日身體不適，喝了很多水，但當槍手放人，他沒找藉口乘機離開，堅持留下來；當槍手要人質分飯盒，他第一個主動走出來協助；有團友人有三急，他主動告訴槍手團友要如廁，又不時安慰團友，說：「三點就搞掂。」
直至黃昏時分，魔警門多薩要他由車尾座位走到車門位置， Masa哥也沒有半點猶豫，在最危急關頭義無反顧的走到最前。訪問期間，李瀅銓大部份時間保持冷靜，但當憶起 Masa哥這位好領隊，不禁低頭拭淚，「佢好盡責任，好努力咁睇住我哋」。
YouTubeHK 精選影片 www.youtubehkvideo.com [主頁] [最新影片]
