[轉載/蘋果日報] [轉載/互聯網] 【太陽報專訊】賭王何鴻燊三房長女何超雲，與皮草太子爺王大業（Andy）半年情玩完，盛傳她已暗撻無綫小生林峯！超雲昨日首度開腔承認與Andy和平分手，更對林峯有讚冇彈！
超雲是Ball場紅人，林峯則是歌影視大忙人，雙方似乎「大纜都扯唔埋」！惟近日有傳他們已經秘密撻着半年，早前二人出席英皇電影《翡翠明珠》贊助商慶功宴，席間排排坐喪傾，甚為投契，令傳聞甚囂塵上！
失戀照捧演唱會
其實，向來戀事多的超雲，年初與皮草太子爺Andy拍拖，不久已急不及待帶男友見家長，惟有傳雙方受不了對方的「公主病」及「公子病」，加上有指賭王不滿 Andy對長輩工夫做得不夠，令二人半年情火速玩完！不過甩拖的超雲心情未受影響，早前還被超蓮踢爆失戀後零傷心，還以興奮心情睇兩場林峯演唱會，看來她對林峯甚為欣賞，戀事亦早已有迹可尋！
二人暗交的消息傳出後，昨午五時許，身穿背心及短裙的超雲，風騷地於中環ifc Shopping。對於和林峯傳緋聞，她雖表現錯愕，但仍大方地說：「今（昨）朝已經有人第一時間遞本雜誌畀我睇！咁梗係冇啲咁嘅事，嗰晚同樂小姐（樂易玲）食飯之嘛！佢哋就咁樣寫喇！（同林峯相熟？）唔熟o架！（靚仔？）佢梗係靚仔，好多人鍾意！（有傳佢整容？）靚仔就OK啦！」問到二人可有發展可能？她說：「冇可能囉！我同佢唔熟！（佢冇問你攞電話號碼咩？）冇電話聯絡！」
夾晒口供齊否認
另外，自傳出與Andy半年情玩完後，超雲未曾親自回應，惟昨日她坦承雙方情已逝，有指是她撇男方，她更正說：「唔係撇佢，我哋係和平分手！（依家有冇拍拖？）冇喎！」至於林峯的經理人亦否認相關報道，並說：「林峯知道呢件事，睇到報道都係得啖笑！林峯之前唔識佢，係嗰次活動先認識，嗰晚同場仲有其他人喺度！」
YouTubeHK 精選影片 www.youtubehkvideo.com [主頁] [最新影片]
